بەهۆی تەقینەوەی تانکەرێکی بۆمبڕێژکراو لە عەفرین زیاتر لە 40 کەس گیانیان لەدەستدا.

له‌ شه‌قامی راجۆ له‌ ناوه‌ندی عه‌فرین تانكه‌رێكی سووته‌مه‌نی ته‌قێنرایه‌وه‌ و بەهۆیەوە تاکو ئێستا 22 کەس گیانیان لەدەستداوە و 47 کەسی دیکەش برینداربوون.

برینداره‌كان بۆ نه‌خۆشخانه‌كانی ناوه‌ندی عه‌فرین گوازراونه‌ته‌وه‌، بریندارەکان سوتاون و ئەوانەشی گیانیان لەدەستداوە بەهۆی سوتانەوە بووە.

بەهۆی بەهێزی تەقینەوەکەوە ژماره‌یه‌كی زۆر له‌ باڵه‌خانه‌كانی ناوچه‌كه‌ زیانیان به‌ركه‌وتووه‌ و چەند ئۆتۆمبێلێكیش سووتاون‌.

تاکو ئێستا ھیچ لایەنێک بەرپرسیارییەتی خۆی لە تەقینەوەکە رانەگەیاندووە.