كوردی
گۆڤاری ئایندەناسی ژمارە (21)ـى ئابی ، 2024، ساڵی پێنجەم
گۆڤاری ئایندەناسی، ژماره 21-ی ئابی 2024، ساڵی پێنجەم، كه‌وته بەر دیدی خوێنەران. گۆڤاری ئایندەناسی، گرنگی بە توێژینەوە ستراتیژی و ئایندەییەكان دەدات، وەرزانە لە لایەن “سەنتەری لێكۆڵینەوەی ئایندەیی” دەردەچێت.
ژمارەی نوێی گۆڤاری ئایندەناسی تایبەت كراوە بە دۆسێی پەیوەندیی و سیاسەتی وڵاتی ڕووسیا لەگەڵ عێراق و هەرێمی كوردستان و چەندین توێژینەوە و وەرگێڕانی تایبەت بەم بابەتەی لەخۆ گرتووە. وەک نەریتی هەر ژمارەیەکیش، کتێبێکی ئایندەیی، چەمکێکی ئایندەیی و ڕاپۆڕتێكی پەیوەست بە دۆسێی گۆڤارەكە ئامادە کراوە.
ژمارەی بیست و یەكەمی گۆڤاری ئایندەناسی ئەم بابەتانە لە خۆ دەگرێت:
♦ سەروتار
– كاریگەرییەكانی ڕووسیای نوێ لە سەر سیستمی نێودەوڵەتی / پ.د. ئومێد رفیق فتاح
♦ توێژینەوەی ناوخۆیی
– ڕووسیا و بنیاتنانەوەی پەیوەندییەکانی لەگەڵ ئەکتەرە بێدەوڵەتەکاندا؛ هەرێمی کوردستانی عێراق وەك نموونە/ د. دڵسۆز جەلال حسێن
– هێزی نەرمی ڕووسیا لە ڕۆژهەڵاتی ناوەڕاست؛ عێراق وەک نموونە/ كەیوان سدیق محەمەد
– پێگەی ڕووسیا لە ململانێ جیۆسیاسی-ئیكۆمۆنییەكاندا/ ڕەنج نەوزاد
– گەمەی گەورەوارەکان؛ ئایندەی ڕووسیا لە نێوان دەرفەت و ئاڵنگاریدا/ د. زانا كەریم
♦ توێژینەوەی وەرگێڕاو
– بەڕێوەبردنی تەنگژەكان؛ ڕووسیا لە نێوان گەمارۆكانی ڕۆژئاوا و ئاڵنگارییەكانی ڕۆژهەڵاتی ناوەڕاستدا؛ ئامادەكردن و وەرگێڕان: ژیلوان لەتیف یارئەحمەد
– تێڕوانینی وڵاتانی کەنداوی عەرەبی بۆ ڕووسیا لە کۆنتێکستی بەڕێوەچوونی ئۆپەراسیۆنی سەربازیی تایبەت/ وەرگێڕانی لە ڕووسییەوە: کەیوان سدیق محەمەد
– ڕۆژهه‌ڵاتى ناوه‌ڕاست چۆن بوو به مه‌يدانى ململانێى پۆتين له‌گه‌ڵ ئه‌مەريكا/ وه‌رگێڕان لە ئینگلیزییەوە: سامان سه‌ڵاح
♦ ڕاپۆڕتی ئایندەیی
– ڕۆڵی كۆمپانیا نەوتییەكانی ڕووسیا لە پڕۆسەی بەرهەمهێنان لە عێراقدا/ ئامادەكردن: ئایندەناسی
♦ کتێبی ئایندەیی
– گەڕانەوەی ڕووسیا بۆ ڕۆژهەڵاتی ناوەڕاست: بونیادنانی كۆشكی لمی/ ئامادەكردن: ئایندەناسی
♦ فەرهەنگی ئایندەناسی
– گرووپی ڤاگنەر/ زانا كەریم
ئامانجی گۆڤاری ئایندەناسی، گرنگیدانە بە لێکۆڵینەوەکانی ستراتیژی و ئایندەیی بە تەوەرێتی و گرنگیدانی بە کوردستان و هەرێمایەتی و دۆخی نێودەوڵەتی پەیوەست بە ناوچەکەوە بە ئامانجی تێگەیشتن لە ئێستا و ئایندەی وەرچەرخانە جیهانیی و هەرێمییەکان و کاریگەرییان لەسەر کوردستان. بواری توێژینەوەی ئەم گۆڤارە بریتییە لە سیاسەتڕێژی کورتمەودا و دورمەودای کوردستانی، شرۆڤەی سیاسەتی وڵاتانی هەرێمایەتی.
