كوردی
گۆڤاری ئایندەناسی ژمارەی حەڤدەیەم (17) حوزەیرانی، 2023، ساڵی چوارەم
گۆڤاری ئایندەناسی پێ دەنێتە چوارەمین ساڵی دەرچوونییەوە؛ ژماره 17-ی حوزەیرانی 2023، كه‌وته بەر دیدی خوێنەران. گۆڤاری ئایندەناسی، گرنگی بە توێژینەوە ستراتیژی و ئایندەییەكان دەدات، وەرزانە لە لایەن “سەنتەری لێكۆڵینەوەی ئایندەیی” دەردەچێت.
ژمارەی نوێی گۆڤاری ئایندەناسی چەند بابەتێكی هەمەچەشنی سیاسی، كۆمەڵایەتی، ژینگەیی، زانستی، ئەمنی لەخۆ گرتووە و وەک نەریتی هەر ژمارەیەکیش، کتێبێکی ئایندەیی، چەمکێکی ئایندەیی و ڕاپۆڕتێك سەبارەت بە دۆخی هەنووكەیی هەرێمی كوردستان ئامادە کراوە.
ژمارەی حەڤدەیەمی گۆڤاری ئایندەناسی ئەم بابەتانە لە خۆ دەگرێت:
♦ سەروتار
-ئەقڵانیەتە ترسناکەکە؛ هەڕەشەی یەکەمی سەر هەرێم
♦ توێژینەوەی ناوخۆیی
-سیستمی یه‌ك په‌نجه‌ره؛ جۆر و پێداویستییه‌كانی جێبه‌جێكردنی/ پەیام محەمەد تاهیر
-كێشەكانی مامەڵە لەگەڵ زیندانییەكانی داعش وەك مەترسییەكی ئایندەیی/ یاسین تەها
-پیسبوونى ڕووبارى سیروان؛ گرفت و چارەسەر/ عەبدولموتەڵیب ڕەفعەت سەرحەت
-پەیوەندیی نێوان جوگرافیای سیاسی و جیۆپۆله‌تیك/ كازم ئەحمەد سەدرەدین
♦ توێژینەوەی وەرگێڕاو
♦ ڕاپۆڕتی ئایندەیی
-ئایندەی نەوتی هەرێم لە نێوان ململانێكانی عێراق و توركیادا/ ئامادەكردن: ژیلوان لەتیف یارئەحمەد
♦ کتێبی ئایندەیی
♦ فەرهەنگی ئایندەناسی
-بەڕێوەبردنی قەیران / ئامادەكردن: ئەژی ئازاد ئەبوبەكر
ئامانجی گۆڤاری ئایندەناسی، گرنگیدانە بە لێکۆڵینەوەکانی ستراتیژی و ئایندەیی بە تەوەرێتی و گرنگیدانی بە کوردستان و هەرێمایەتی و دۆخی نێودەوڵەتی پەیوەست بە ناوچەکەوە بە ئامانجی تێگەیشتن لە ئێستا و ئایندەی وەرچەرخانە جیهانیی و هەرێمییەکان و کاریگەرییان لەسەر کوردستان. بواری توێژینەوەی ئەم گۆڤارە بریتییە لە سیاسەتڕێژی کورتمەودا و دورمەودای کوردستانی، شرۆڤەی سیاسەتی وڵاتانی هەرێمایەتی.
